Zaho Balili u lind në tetor të vitit 1951 Rexhin të Kurveleshit. Shkollën tetëvjeçare dhe të mesme e ka mbaruar në Tepelenë. Ka filluar të shkruaj që moshë të re është autori i disa vëllimeve si (drithërimet e praneverës), (paskan çelur manushaqet), (brengat e shpirtit) (lot kurbeti), dhe (kur dy zemra dashurohen) gjithashtu këngët e tij janë kënduar nga shumë grupe labe, si grupet e Vlorës, Gjirokastrës, dhe të Tepelenës me grupin kryesor atë të Hormovës i cili grup u krijua nga ai në vitet 80, me këtë grup ai fitoi dhe çmimin e parë në festivalin folklorik të Gjirokastres në vitin 85 me këngën (Flaka mbuloi fshanë) një nga këngët më të bukura të tij është (Balada e nënës). Është autor i shumë teksteve të këngëve të mrekullueshme labe që i kanë bërë të famshëm grupet që i kanë kënduar. Vlen këtu të përmendim ‘’Këngën e bilbilenjve, Kënga e nizamit, Dil, o sy i zi, Te bajamja në avlli,’’ e shumë të tjera. Ai u largua nga jeta në vitin 2001 në moshën 50 vjeçare. Tre nga vëllimet e tij u botuan pas vdekjes.

‘’Zaho Balili është djep i ujërave magjepse të Rexhinit në Kurvelesh. Ato e nanurisën dhe i rritën frymëmarrjen me stërkalat e tyre të ylberta. Ato, tek gremisen, thellë në hone, kanë një tingëllimë të argjendë, një simfoni dehëse prej iso e këmborësh. Të tillë kamë menduar dhe peizazhin e këngës së shpirtit të mikut tim, shokut dhe bashkëlëvruesit të kësaj gjinie.

Kënga e Zahos gurrëroi për tri dekada, herë në krahët e vesës, herë në krahët e brengës, njëlloj me identitetin natyror të këtyre viseve. Zbrisni të çlodheni në shtrojet e këtyre këngëve dhe do më besoni, që Balili ka shtruar një ujëvarë, si nga ato të mëmëlindjes, jo vetëm në poezinë popullore, por dhe në prozë, siç nisi të dëshmohet në këtë libër të parë me tregime.

I rritur dhe i mençuruar me këtë nektar Labërie, ai, brenda modestitë së vet, e rriti dhe e ngjiti dhe krijimtarinë e tij të hojshme, në majat e zilishme të vlerave duke na lënë një zë origjinal, që edhe pse u nda para kohe prej nesh, do të mbetet gjithnjë joshës në ndjenjën e respektuar të mademit krijues”.

Nga z. Maliq Lila